Da ka pynsñiawthooh paidbah hajrong ka HIV/AIDS wa ki Drugs da pynman ha chnong Mupliang

Ka Jaiñtia Network Society hei ya krehlang wa ka Nehru Yuva Kendra Sanganatham Jowai (NYK), ynne da pynman ko yaka yalang pynsñiawthooh paidbah kam chibynta yong  ka National Youth Week 2021 kawa da pynman kyllieñ ka ri India. Da pynman ya kani kani ka Awareness Programme ha chnong Mupliang kawa haap hapoh ka West Jaiñtia Hills District. Heiwa da em artylli ki phang yong kani ka Awareness Programme, kawi man ko chaphang ka HIV/AIDS wa kawi tawon man ko chaphang ka Prevention of Substance Abuse.

Ya kani ka yalang da pynlai da ka B. Dkhar kawa man leh ka ASHA yong ka chnong Mupliang. Da pdiang burom ya kiwa emlang waroh da ka A. Kyndait kawa man kawi na ki dkhot yong ka Jaiñtia Network Society. Da batai ko leh chaphang ka Jaiñtia Network Society wa chaphang ka Nehru Yuva Kendra Sanganatham.

Hadien ini da yoh ya i klam na ka L. Kyndiah hajrong ka phang HIV/AIDS, da batai ko chaphang uni khñiang HIV wei kammon poor u na uwi u bru cha uwi u bru, da klam ko leh chaphang ki laad yada, wei da kyntu ko ya ki khynnah khynroo wa emkaam u syndong bha ki ha ka kaam chongkha chongman, wei da batai ko leh chaphang ki laad yarap lada jia wa ngat ha uni u khñiang.

Da yoh leh i klam hajrong ka phang Prevention of Substance Abuse na ka S. Nartiang. Da klam ko chaphang ki jait dih kiwa ye u kdoh u khoom ya ki khynnah kynroo kam i kiad, biri, sikret, drugs, bhang, dendrite wa kiwi kiwi. Da batai ya ki khynnah khynroo wa kani ka rta yong ki man ko ka rta heiwa kiwa boon ki khynnah ngat ki ha kini ki jait dih pynmuaid kiwa pynhiar dor ko ya longbru, manbru wei khamtam ya ka imlang ka sahlang. Da batai leh ya ki laad yada yoh u lait na kini ki jait dih.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi da em leh i sikai wa kajiak chaphang ka aiñ POCSO, wa kammon kani ka aiñ yada ko ya ki khynnah kynthai hawa yatoh wa i chongkha chongman.

Hawa kut yong ka yalang da yoh leh ya i e khublei na ka M. Phawa kawa kreh kam ka Anganwadi ha ka chong wa na ka D. Nongtdu kawi na ki dkhot yong ka Jaiñtia Network Society. Da pynwai ya kani ka yalang da ka kong B. Dkhar.

Ha kani ka yalang da wan kamwa 35 ngut ki khynnah khynroo kiwa na ka chnong Mupliang