Ka Hynñiewtrep Border Dispute Redressal Forum (HBDRF) daw pynman ko ya ka Rally wa ka yalang paidbah ha chnong Jowai ha kani ka 3 tarik. Ka Rally u sdang ko na laad Kiang Nangbah Government College nadooh i por 12:00 waje pyrdi sngi wei daw lai tymbud sarokheh (Main Road) chadooh cha District Library Mynthong, Jowai heiwa daw pynman syndon ya ka yalang hapoh ka Auditorium.
Ka mat kani ka yalang toh u pynsñiaw ya ka sorkar yei eh i khoo kiwa sah ha khappood wei yow phah pynuiñ biang namo wow Re-Transfer ya ka Block-I wa Block-II na Assam cha Meghalaya.
Kamtæ da kani ka wyrta chula, ka Forum da khut kyrpaad ko ya kiwa chong chnong ka Ri Khasi Jaiñtia wow ya wan cha kani ka Rally wa ka yalang. Da pyntip leh ya ki para seiñbhalang waroh wa ye phi u rah ki lama ka seiñ yong phi, ki Banner, ki Poster tangwa i thoh toh u man i heiyatoh wa kani ka phang wa da booh ka Forum.
Ka HBDRF da kyntu ko ya waroh kiwa wan cha kani ka yalang wow wan dei burom akor, u bood ryntih ya ki aiñ ki kyndon i chongsuk chongsaaiñ wym hoi u pynmih yei awri awra deiwa klam ya ki ktien sih ktien sang næ u dat u kawang moo cha ki dukan cha yaaw cha haat næ u muaid tanglang.
Da kyrpaad leh ya ki lok kiwa wan khamtam na ki thaw kiwa jngai wow ya wanrah ja sngi.
Ya kani ka wyrta da phah da u C. Sungoh, Chairman yong ka Forum.
Discussion about this post