Da ka Recitation wa ka Debate pynman ka KKC hajrong u Woh Kiang Nangbah

Jowai : Ka tnat Khynroo Khyllood Committee (KKC) yong ka Seiñraij Jowai ynne ka sngi da pynman ko ya ka yakop Recitation næ i puræ ya ki sur rwai, kiwa da thoh kyrpang neibynta ki kaam u Woh Kiang Nangbah.

Ya kani ka yakop da pynman ha yung dorbar ka Seiñraij heiwa da bhah ya ki wa yachimbynta ha ki le dhab kiwa kynthup ya ki khynnah chynrang wa kynthai kiwa da riam hei riam tynre.

Ki khynnah da klam ki ya ki kyntien kiwa da e yaroh ya ki kaam wa chlur u Woh Kiang Nangbah.

Hadien ini da pynman won sa ya ka pynyoo nia næ ka Debate hajrong ka phang “Ka Ri wa ka Jaitbru bood la-te ko thij næ ya ki Nongrim U Woh Kiang Nangbah”.

Ha kani ka yania da em hadooh 10 ngut kiwa yachimbynta chynrang wa kynthai heiwa da bhah ya ki san ngut chiliang.

Kani ka Recitation wa ka Debate da pynman kam chibynta yong ka tayaw kynmoo warom ya u Kiang Nangbah wa da pynman da ka KKC.

Related posts

Khut sñiawbha ka Seiñ Raij Satpator wow ya wan sakhilang ya ka Niam Phor

January 6, 2026

Phooh phieñ ka Dorbar Niamtre ki khon ka Ri 12 Dolloi 30 Syiem ha Khonchnong

December 29, 2025

Da pyntip leh wa ya ki prize cha kiwa jop u saam ha ka 30 tarik ka sngi wa dap snem wa chah pasi u Woh Kiang Nangbah.