15 49.0138 8.38624 1 0 4000 1 https://wyrta.com 300 0
Advertisement ad1

Da ka RTI rai ki ar seiñ wow paan ya waroh ki karkhana khyndaw-bilat

0 Comments
Advertisement ad1
Advertisement ad1

Jowai: Ki ar seiñ wa kynthup ya ka JSM-ER wa ka HYC-Khliehriat da rai ki wow paan da ka RTI ya ki karkhana khyndaw-bilat (Cement Plant) hajrong i thung kreh ya ki baar jylla ha ki iwa da kynjoh kamwa 90%.

Ki ar seiñ da ong ki wa ya ki khon khynroo ka Ri-loom Jaiñtia em ki kamwa 10% ini da pynman i ya ki ar seiñ wow yoh yei che hajrong ini deiwa paan da ka RTI.

Neiliang u Shnalad Rymbai, President ka JSM-ER da ong u wa hapoh kini ki karkhana da thung boon ki baar jylla da ki Local Director wa ki Contractor of Labour.

Ki seiñ da yoh yutip ki na ki khon ka Ri-loom Jaiñtia wa da boon boon sien wa lai pyndap (apply) ki ya ki kyrdan kreh waphær waphær tangwa i jubab wa yoh na ki karkhana toh wym em kreh wa lait neibhah lada kreh da ki Khasi Pnar i dooh man i iwa khroo ya kiwa chim Contract ha kini ki karkhana.

Da ong ki leh wa hadien wa dadep yachem ki wa uwa pait ya ka Star Cement hadooh ynne ka sngi ymye u wow jubab yeiwa kylli ki ar seiñ.

Kamjooh neiliang u Shnalad Rymbai da ban joor u wa lada chem wa ki Local Director emkti lang ki u pyndooh khih dooh kreh ya ki ya ki khon khynroo ka Ri-loom Jaiñtia hajrong wa da biang i puræ puthi ki seiñ ymyohsa daw leh noh ko yeiwa emkaam.

Advertisement ad1

0 Comments

Leave a Reply