Ka seiñ yong ki tre Tipper Truck kawa tip kam ka All Meghalaya Tipper Owner & Supplier Association (AMTOSA) da pynman ko ya ka General Meeting ha ka 20 tarik uni u bnai ha Greenview Conference Hall Mihmyntdu, West Jaiñtia Hills District.
Ha kani ka yalang da yatai yathir hajrong i eh yong ki tre kari wa ki Supplier kiwa kit wa pynpoi moochuni cha ki Company waphær waphær hapoh ka jylla Meghalaya wa cha jylla Assam heiwa kiwa yahkhmat ka seiñ da pynsñiaw ki leh ya ki mat dawa yong ka Association ha ka Meeting wa dadep pynman ha ka 09-06-25 ha Purbanchal Cement Ltd, Assam.
Neiliang ka Association da dawa ko wow pynneh yei dor wa Rs. 1350 chi Ton wei ym pdiang yei rai yong ka Purbanchal Cement Pvt. Ltd wow pynhiar yei dor cha ka Rs. 1270 chi Ton, kamtæ ka Association da chim ko ya ka rai won pynman da ka Strike nadooh ka 23-06-25 chakmat wei da phah ya waroh ki Supplier wow ya ksohkti ki wa ka Association ha kani ka yakhih deiwa dam u kit u lai pynhaap ya u moochuni cha Byrnihat kat hadooh wa ki Company u ap ki næ pynmankaam ki yei dawa yong ka Association.
I pyntip na u Secretary ka AMTOSA, u Roitre Dkhar.
Discussion about this post