Ka sorkar jylla Mizoram ynnin ka sngi da rai ko wow pynkrehkaam da ka Total Lockdown hapoh waroh kawi ka jylla nadooh 4:00 waje i step ka 10-05-21 hadooh 4:00 waje i step ka 17-05-21 kam chibynta wow pyntkut yei poor ka khlam COVID-19.
Ya kani ka rai da chim hadien wa ku kiwa yoh COVID-19 ha kini ki sngi wa dep wei kiwa boon kiwa dang yoh toh ha Aizawl.
Ynnin ka sngi da em 184 ngut kiwa dang yoh katwa ynne ka sngi da em 235 ngut kiwa dang yoh iwa da pynpoi ya kiwa dang chah ktah ha uni u khñiang cha ka 1906 ngut wei waroh kiwa da yap da em ki 17 ngut, kiwa chait waroh da em ki 5459 ngut wei deilang waroh dapoi 7,382 ngut kiwa da dep yoh ya uni u khñiang ha Mizoram.
Na kiwa dang chah ktah kiwa boon dooh em ki ha Aizawl District kiwa em 1319 ngut, wei na waroh kiwa yap, 16 ngut toh kiwa ha kani hi ka District.