Kam chibynta u pynku yei rukom e sikai cha ki khynnah skur ka thaaiñ War Jaiñtia wa haap hapoh ka Amlarem Civil Sub-Division, neiliang ka War Jaiñtia Student Union (WJSU) lyngba ka Education Sub-Committee ka seiñ da pynman ko da ka e sikai wa kyrpang ya ki Head Teachers, Headmasters wa Principal yong ki Lower wa Upper Primary School ka thaaiñ War ha ki ar sngi kitæe ha ka 29 wa 30 tarik u Naisan.
Ya kani ka e sikai da pynman ha Riwar Jaiñtia Church of God Secondary School, Ladjaplem, Amlarem Civil Sub-Division, kawa da e pyrtuid kam ka First Edition heiwa da wan wow e sikai da ki bru chemphang napoh ka skurbah ICFAI University Meghalaya, Shillong.
Ya kani ka Training da wan wow wai da u Ishan Gupta, IPS, Additional Superintendent of Police ka West Jaiñtia Hills District, uwa da man leh kam u kongsan deiwa emlang u H. Comfortstar Lamin Gassah, In-charge ka Sub-Divisional School Education Officer, Amlarem Civil kam u symbood kongsan chirup u Principal ka Riwar Jaintia Church of God Secondary School, u Hastingroy Kharkhongor wa kiwi.
Ha ka sngi pynkut ya kani ka e sikai da saam leh ya ki Certificate cha kiwa chimbynta da u Everest Langstang, General Secretary ka WJSU, katwa ya ki Certificate of Appreciation cha ki bru chemphang ka ICFAI University Meghalaya, Shillong da e kti da u Alban K Gashnga, Chief Adviser ka seiñ.
Ka Education Sub-Committee ka WJSU pyntip haroh ko wa daw pteiñ ko u pynman sa ya ka Second Edition yong kani ka Training ha u bnai January 2026.
Discussion about this post