Ynne ka sngi Muchai ka 9 tarik u Naiynñiaw kawa man ka sngi wa pyndep ya ka Chaadniam Behdieñkhlam yong ka Raij Jowai, heiwa u Chief Minister ka Assam, u Himanta Biswa Sarma da wan u kam u bru wa chah khut kyrpang ha Aitnar.
Ha kini ki sngi wa dadep da mih i kyntien wym sñiawngooh næ hun mynsien na ki kattu katni yei khut kyrpang ya u Himanta cha kani ka Chaadniam.
Iwi na ki daw wa pyrchah wei ym ye u pdiang yei wan u Himanta cha Jowai toh wa dang em i thut i wit ha ki thaaiñ khappood ka Meghalaya wa ka Assam.
Ynne ka sngi nawon neiliang u khlieh niam ka Elaka Jowai, u Puramon Kynjing da e sñiawbha u da ka wait ha kti u Himanta.
Ha ka yusop ka wait da thoh ya ki kyntien wa ong “Ka Wait Thwat Luti Chei Suk” wei na kylla won da thoh yei kyntien English wa ong “The Sword That Carves A Path To Peace”.
Ini i e u Dolloi ya ka wait man i kam ka dak wei ka thong ka Seiñraij Jowai ha uni u snem deiwa khut ya u Himanta cha ka sngi pynkut ya ka Behdieñkhlam toh yow wanrah yei suk wei maya markylliang yeiwa u Himanta leh da kubur u wot hapyrdi wa em i wit i jaw ha khappood ki ar jylla tangwa kut wa jia da ye wow pynbait smat dei mynsien man kam chi payu.
Discussion about this post