15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da ka Walkathon pynman ha Shillong kam chibynta ka International Women’s Day

0 Comments
Advertisement ad1
Advertisement ad1

Shillong: Ynne ka sngi ka JCI India deilang waka Niine Foundation da pynman ki ya ka Walkathon hajrong ka phang “Menstrual Health of Women Pan India” kawa man leh ka sngi wa kyrpang ki kynthai kawa tip kam ka International Women’s Day.

Ha kani ka Walkathon da pynman ha palat 500 tylli ki chnong hapoh ka ri India wei da wan chimbynta 78,000 ngut ki bru wei ha Lucknow da kaweh lama ya ka Walkathon da u Akshay Kumar.

Ha Shillong, ka JCI Shillong Pine City, NIINE Foundation deiwa ya krehlang waka Tera Panth Mahila Samit, Lady Kean College, Big FM, Eastern Panorama Foundation da sdang ki ya kani ka Walkathon na Sillong Club wei da lai kiwa chimbynta kamwa 2.2 Km. Da wan kaweh lama ya ka Walkathon da ka kongsan kawa man leh ka Deputy Commissioner ka EKH ka M. War Nongbri hei emlang u Zone President u JC Harsh Jhunjhunwala wa u Lom President JC Soni Agarwala wa ki dkhot ka JCI Shillong Pine City.

Ka kongsan hei klam yong ka da ong ko wa emkaam wow pynman ya kam kani ka pyn sñiawthooh paidbah yei sñiawthooh bakla yei poi bnai ki kynthai.

U Zone President won da pyntip u wa du 18% ki kynthai hapoh ka ri India wa yoh u pynemkaam ya ki Sanitary Pads iwa man i kaam wa sñiawsih bha.

Waroh kiwa wan chimbynta ha kani ka Walkathon ha Shillong da poi ki 340 ngut wei chwa wow sdang da pynman leh ya ka Zumba Session wa pynman da kiwa chimbynta wa wan naka Taal Academy.

Kiwa chimbynta da em ki nadooh kiwa 16 snem hadooh 77 snem wei ya kani ka jooh ka Walkathon da pynman ha kiwi ki chnong ka thaaiñ mihsngi kam ha Jorhat, Guwahati, Barpeta, Bijaynagar.

Share this:
Previous

T. 11 Klur mang ka sorkar neibynta ki SMART Village deiwa krehlang wa ka skurbah na America

Next

Jop ka Smit waka Assam Rifles haka 4th Assam Rifles Invitational Football Tournament