Da ka Walkover jop ka Khimusniang ya ka Salini

Jowai: Ki le tylli ki yakhun ka Independence Day Cup U-16 2017 ynne da pynman ha pyrdi ka Lumpariat wa ka Mukhla Raij heiwa ka Lumpariat da jop ko da 3-1. Ya ki kool ka Lumpariat da thap da u Magnify Suchiang ha ka minit wa 24, u Chemiki Lamin ha ka minit wa 34 wa u Rangdajied Langbang ha ka minit wa 60. Ya ka kool ka Mukhla da thap da u Kerlut Shylla ha ka minit wa 45.

Ha ka yalehke wa bood won ka Khimusniang da jop ko khlem em hap ki u yalehke (Walkover) neidaw wa slem ka Salini u poi cha ka madan yalehke.

Ha ka yalehke wa khaddooh ynne ka sngi, ka Mookyndur da jop suk ko ya ka Samatan da 5-0. Ya ki kool da thap da u Jemy Pariat ha ka minit wa 12, u Richard Phawa ha ka minit wa 15, u Batskhem Mukhim ha ka minit wa 18, u Pyntngen Ryngkhlem ha ka minit wa 23 wa u Kynmoowanki Phawa 46 min.

Related posts

Shillong Premier League 2024: Hiar ka Lajong chei wa ar hadien wa rem ha ka Nangkiew Irat

November 28, 2024

Ka Rymbai Skhenshynriah pyrchah ya ka Kynsai Stream Fensing ha ka Final ka Gold Cup

November 27, 2024