theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da ka We Ring the Bell Campaign pynman ka Bethany Society ha Jowai

Ka Bethany Society Phramer, West Jaiñtia Hills Unit kam chibynta wow e wyrta chula hapyrdi ki paidbah wa chong chnong hajrong i emkaam u e laad wei u pynchlur ya ki khynnah wa em i duna tymbuiñ hei manrynyieñ ryniot chaphang i emkaam wow yoh yei stat i tip katkam i man i long yong ki, ha ka sngi Pyngkat 25 Wisu da pynman ko ya ka yalang wa kyrpang wa tip kam ka “We Ring the Bell Campaign”.

Ha ka yalang wa kyrpang yong kani ka sngi wa da pynman ha Ladthadlaboh Dorbar Hall heiwa ki manbei manpa wa ki khynnah skur dawan ki wow yachimbynta, neiliang ki bru ka Bethany Society Phramer wa kynhup ya ka Jostina wa ka Wanbait da e ki i klam i batai heiyatoh wa ka thong yong kani ka yalang.

Advertisement ad1
Advertisement ad1
Advertisement ad1

U L.K. Singh, Coordinator CWSN, SSA West Jaiñtia Hills da klam khanna u chaphang ka Inclusive Education-Inclusive School wa ki laad yarap wa da mang bhah kyrpang neibynta ki khynnah wa em i duna tymbuiñ hei man rynyein ryniot kiwa ka Samagra Shiksha Abhiyan e ko neibynta i myntoi ki khynnah wa lai skur katwa ka Mansuk Rymbai, Office Assistant Social Welfare Department, WJH khana pynsñiaw ko chaphang ki laad yarap kiwa ye u yoh lyngba ka Social Welfare Department.

Chooh chooh ha ka thong yong kani ka We Ring the Bell Campaign da pynman leh ya kiwi ki kaam kam i choh ya ki pliang wa kiwi ki tiar, Signature Campaign wa ka Rally kiwa man chibynta ki laad ki luti wow kyrsu thiah, u khutlang wei wow e wyrta chula cha ki paidbah wachong chnong chaphang i emkaam wow yakrehlang neibynta wow yoh ki khynnah wa duna tymbuiñ hei man rynyieñ ryniot yei hok yong ki ha waroh ki liang kat kamwa da mang bhah kyrpang da ka sorkar bei.

Hadien ka yalang da em leh i lai Rally na Community Hall Ladthadlaboh cha Iawthymme deilang ki Placard wa ki Banner wa em ya ki kyntien chaphang i hok kiwa duna tymbuiñ.

Advertisement ad1
Share this:
Previous

Da toh pynhaap ya ka snieh-poisa

Next

Pynkhooid ka Dongmihsngi, u DSO waka WJDSA yaka madan Kiang Nangbah Stadium