Da ka yachut Tie Breaker ye u rai ya ka dhab wow psiah Final yong ka Tiger Five

Jowai: Ka yalehke Tiger Five ynne kawa man leh ka yaknieh wow psiah Final da man ko ha pyrdi ka Loomkyrwiang SC pyrchah ya ka Dari & Da o FC heiwa ka yalehke da man ko kawa yoosuk wei da pynhun ki ya kiwa paitke heiwa na waroh arliang ki wa yalehke da pynyoo ki yei sap yalehke yong ki.

Hadooh wa poi ka minit wa 25 yong ka kylla step, u Ri oo Lathong yong ka Dari & Da oo da yoh chwa u wow pynkhih ya ka jaar kawa man leh ka kool wa nyngkong wei neiliang kiwa yalehke ka Loomkyrwiang SC dei ksaidbor u Ahmet Hussain ha ka minit wa 28 da yoh ki wow su ya kani ka chikool.

Kamtæ ka kylla step yong ka yalehke da kut ko 1-1.

Ha ka kylla miet won mar ya sdang ka yalehke ha ka minit wa 32 ka Dari & Da oo lyngba u Lalram Shadap da yoh ko wow pyntam ya ka kool wa ar katwa ka Loomkyrwiang won ha ka minit wa 48 da ye ko wow su pynya-draw ya kani ka kool lyngba u O. Laloo.

Kamtæ ka yalehke da kut ko da kini ki ar kool wei yow ye u rai ya kani ka yalehke katkam ki kyndon yalehke da haap u yachut da ka Tie Breaker heiwa ka Loomkyrwiang SC da man ko kawa jop heiwa da ye ko u thap 3 tylli ki kool katwa ka Dari & Da oo ye ko u thap du kawi.

Kattu ka Loomkyrwiang SC da yoh ko u Psiah cha ka Final yong kani ka yalehke ka wow man ha ka 20 tarik.

Sa kawi ka yalehkeh yaknieh psiah Final u man ko mynstep ha pyrdi ka Tyllilang FC pyrchah ya ka Umshangiar SC heipor 3:30 nohchariñ sngi.

Related posts

Santosh Trophy 2025-26: Jop ka Meghalaya ya ka Odisha

January 22, 2026

Da khut ya ki khynnah wa hapoh 18 snem cha ka Winter Coaching Camp ha Kiang Nangbah Stadium

January 22, 2026