Da ka yakob kyndok bol pynman u CEO ha Jowai yow pynsñiawthooh chaphang i thap Vote

U Chief Electoral Officer ka Meghalaya ynnin ka sngi da pynman u da ka yakob kyndok bol ha Jowai kam chibynta wow pynchlur ya ki khynroo wow lai thap Vote ki kamjooh leh yow pynsñiawthooh yei emkaam wow lai thap Vote.

Ya kani ka yakob kyndok bol da pynman ha pchem ka Indoor Hall ka Dorbar Chnong Chutwakhu kawa daw lehkmen leh yei dap 100 snem.

Neiliang u Dr. B.D.R. Tiwari, Chief Electoral Officer (CEO) Meghalaya da ong u wa ki khynroo toh kiwa em bha yei sap yalehbol kamtæ da rai wow kynjoh ya ki lyngba ka yalehke wa ka-it ki.

“Kani da man ko ka laad wa biang bha wow pynjooh wa ki khynroo,” da ong u Risly Pssah, Chairman (Sports) ka Chutwakhu Sports Club.

Da e khublei u leh ya u CEO Meghalaya, u Dr. B.D.R. Tiwari wa da jied u ya ka Chutwakhu wow leh yeini kawa em boon kiwa yalehke wa em yei sap.

Related posts

Na ki 350 tylli ki Truck wa lai cha Bangladesh lyngba ka Dawki ha chi sngi, hiar cha 25 tylli hadien wa pynmih hukum ka HC

June 7, 2026

Chah kem uwa kreh sorkar hadien wa chem ya ka poisa wa palat Rs. 2 klur deilang ki yung ki sem wym yahaap wa iwa yoh tulop u

June 7, 2026

Kiwa jop ya kani ka yakob da yoh ki da ki ‘Golden Boot’ wa kiwi de ki mar wow sahkynmoo kam ki bol kawa da pynwandur deilang waka wyrta chula chaphang ka Lok Sabha Election kawa daw pynman ha ka 19 tarik uni u bnai.

Ya kam kani ka jooh ka yakob da dep pynman leh ha Smit wa ha kiwi ki thaw ka Garo Hills.