Jowai: Ka seiñ Chankylliang Development Society (CKDS) ha kani ka 9 tarik da pynman ko ya ka yakop Chaad Pliang hajrong ka phang My Jaiñtia, My Pride ha chnong Nongkynrih West Jaiñtia Hills.
Ha kani ka yakop, ka Sahsniang B da jop ko wei da pynbood sa ka Madankynsaw waka Mooshrot hei wa ar wa le.
Ha kani ka sngi da pynman leh i yadaw masi, ki klam na kiwa heh wa sian wei da pynbood da ka chaad lehkhmen wa pynchongchit da u DJ Poihamei.
U MLA ka thaiñ u R. Syngkon hei klam yong oo da ong u wa emkaam kam kini ki jait yakop yow pynchlur yow pynkynmoo ya ki paidbah chaphang ka dustur riti yong i.
U C. Lyngdoh, MDC ka Saphai Constituency da ban joor u wa emkaam u pynneh nadooh ki riam ki rukom, ki chaad, ki lehniam wa kiwi kiwi neibhah na kini u tipmit ya ka jaitbru yong i wei man ko leh ka sarong ya i.
U D. Shadap, Executive Director ka CKDS da ong u wa neiliang ka seiñ man ko ka sien wa nyngkong wa pynman ko ya kam kani ka jait yakop wei daw pynman chooh chooh ko ya kam kini ki jooh ki yakop ha ki sngi wow wan hajrong ka jooh ka thong.
Ha kani ka sngi da emlang leh u Waheh Chnong, kiwa mihkhmat naka yungkrehkaam u BDO, ki seiñ ki manbei wa u Program Manager ka CKDS u Jimmy Bareh.
Discussion about this post