Ka Faith Foundation deilang kaka Chief Minister’s Youth Centre da lehkmen ki ya ka National Sports Day 2023 ynnin da ka yalehke yong lok deiwa pynman ya ka jiat yalehke wa tip kam ka Ultimate Frisbee kam chibynta wow pynyoo yei sap wei ya krehlang hapoh ka imlang sahlang hei pait ka seiñ India Ultimate.
Waroh da em 47 ngut ki kynthai wa em yei sap na waroh ar liang kiwa da ya wan wow ya chimbynta.
Ya kani ka yalehke da pynman haka madan yalehke ka chnong Umktieh, Ri-Bhoi wei kiwa chimbynta toh kiwa da wan na kiwa boon ki thaw wei da sakhi ya kani ka sngi da u President ka Ri-Bhoi District Sports Association, u R. Briswell Shadap.
U Shadap hawa e yei klam da ong u wa emkaam wow em kam ka Faith Foundation waka Sauramandala Foundation hapoh ka jylla wow pynman ya kini ki jait yalehke wa thymme kawa oo leh ym tip u kammon kheiñ Point wei da yooluti u leh wa kani ka yalehke daw yarap ko ya kiwa chimbynta wow yoh yei chait i khiah ha waroh ki liang.
Ka Faith Foundation waka Sauramandala Foundation toh kiwa pynkrehkaam ya ka CMYC deiwa ya kreh wa ki khynroo khyllood ka imlang sahlang ha kiwa boon ki liang wei kani ka yalehke Frisbee man ko ym du wow lehkmen ya ka National Sports Day tangwa wow pynyoo yei chimbynta ki kynthai wa ki khynnah kynthai ha ki yalehke.
Discussion about this post