Da kem ki pulit ya uwa dat ya uwa sikai ka NEHU

Ki pulit hadien wa yoh kem ki ya u President ka NEHU Student’s Union, u Sandy Sohtun hajrong i chah pynbaad wa emkti wow dat u bom ya u Asst. Professor ka Hindi Department ha NEHU, ki pulit u takit ki ya oo myntu ka janmiet.

Hawa pyntikna yeini, u Superintendent of Police ka East Khasi Hills, u Vivek Syiem da ong u wa ki pulit da kem noh ki ya u President ka NEHUSU hadien wa da yoh ya ka ujor na u Asst. Professor, Alok Singh ha ka 25 tarik uni u bnai, wei ya u Sandy daw rah myntu ka sngi cha yung bichaar.

Hawa kylli hajrong kiwi won kiwa chah pynbaad wa emktilang wei kiwa da chah ujor lang, u SP da ong u wa ka aiñ daw leh ko yei kaamram.

Kam wow kdaw heini wa u Alok Singh da ujor FIR u ha Mawlai Police Station pyrchah ya u President ka NEHUSU wa 5 ngut kiwi won, heiwa da pynbaad u wa da wan dat ki oo hapoh kamra krehkaam u hei janmiet ka 24 tarik uni u bnai.

Related posts

Ha Meghalaya em kiwa pynemkaam yei pyrtuid u Syiem David, u Syiem Solomon tangwa ymtip won ki u burom pyn ya ki Syiem yong ki

May 12, 2026

Chah kem uwi hadien wa chem kuli na oo ha i thaw wa baam smai u Himanta

May 12, 2026