Da kem ya 5 ngut kiwa wan pynkulmar ha ka Hindu Temple ha Shillong

Ki pulit da kem ki ya 5 ngut ki bru kiwa da chah pynbaad wow dat ya ka tre dukan wa u khon ko ha Mahedev Khola ha ka 24 tarik uni u bnai. U Superintendent of Police (SP), ka East Khasi Hills, u Sylvester Nongtynger da khana u wa ynne ka sngi da kem ya 5 ngut kiwa suba emkti wei ar ngut na ki toh kiwa dang khian kiwa em hapoh 18 snem.

Katwa u Superintendent of Police (City) u Vivek Syiem da ong u wa katkam ka takit yong ki pulit, ym em iyi iyi wa yatoh wa ki kaam niam hanla da jia ha pchem ka Temple ki Hindu.

Kam wow pynkynmoo wa ynnin ka sngi da mih i yachoh hadien wa ka tre dukan ym e ko dei mynkna ya uwi u bru wa kwah ya i Amul Kool wei heitai i kynroi da kawang u da u snikor ha kani ka bru wa da ki chuki ha kani ka dukan wei da mih u khon ko hadooh wa da poi chei yachoh.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Hadien ini, uni u bru da wan yah u kamwa 4 ngut ki bru cha katai ka thaw wei da dat biang ki ya kani ka bru wa ya u khon ko wei da tooh ki leh ya ka poisa na kani ka dukan wei da yut noh ki hadien wa da mih kiwa em chajan wei chwa wow poi ki pulit.

Neiliang ki pulit ym em pynlait ki yei pyrtuid kiwa chah kem.