Ki pulit da kem ki ya ar ngut ki bru kiwa emkti wow dat pynmynsoo ya u Banshai Syiem uwa man uwa yah Taxi ha Khyndailad, ynni i miet.
Neiliang ka Hynniewtrep National Youth Front (HNYF) East Khasi Hills, deilang wa ki dkhot ka synjuk yong kiwa yah Taxi da yachem ki ynne ka sngi ya u Superintendent of Police ka East Khasi Hills, u Sylvester Nongtnger wei uni u heh pulit da pyntip u ha kiwa yahkhmat ka seiñ wa da kem ya 2 ngut ki damok kiwa emkti ha katai ka kaam wei ki pulit dang thooh ki ya kiwi de kiwa emktilang.
Neiliang uwa yahkhmat ka HNYF, u Bless Dkhar da khana u leh wa hei yaklam wa u SP da yoh yutip wa ki CCTV ha kani ka thaw ym em krehkaam ki nadooh u snem 2015.
Neiliang won u Pynsuk Youroi, General Secretary ka Synjuk kiwa yah Taxi, da ong u wa da man iwa sñiawsuk wa da yoh kem ya ki ar ngut ki damok tangwa ym pu hun ki neibhah ka aiñ da man ko kawa synjor wei da emkaam wow kem noh sa ya kiwi won kiwa dang wiar, wei da ong u wa ini waroh toh nei leh stiñ ki pulit kiwa em hei kaam wei lada ym ye wow kem sa ya kiwi, ym chah de ya ki baar jylla wow kamai ha waroh kawi ka sor Shillong.
