May 19, 2023
Ka yalang yong waroh ki seiñ saiñ pyrthei ynne ka sngi, da e yumut ki wow chna da ka Committee ka wow khlieh da ka Ampareen Lyngdoh, Montri sorkar wa pait ya ki kaam aiñ wei wow lum yei e yumut hajrong ka Roster System wei u pynsangeh chwa yei khut thung kreh thymme hadooh wow yoh ya ka Report na kani ka Committee.
Hawa klam hadien wa wai ka yalang, u Montri Rangbah ka jylla u Conrad K Sangma da ong u wa ka sorkar da chna ko ya kani ka Committee hadien wa ki seiñ saiñ pyrthei da e yumut ki wow pynlang pynlum bniah ya ka yutip kawa bniah wei wow pynche biang khnang yow ye u e buit ya iyi wa dang sah iwa artatien hajrong ka Roster System.
Heijooh i por u Conrad da ong u wa waroh ki seiñ saiñ pyrthai da sñiawthooh che ki hajrong ka Roster hadien wa da yoh yei pynche wa bniah. Da ong u wa ka Roster toh u em ko nadooh u snem 1972 wei daw pteiñ ko u krehkaam neini chakhmat.
Da pyntip u leh wa ha kani ka yalang da klam bait du ya ka Roster System ym ya ka Reservation Policy.
