Ka sorkar jylla ynne ka sngi da chim ko yaka rai wa ym chah de wow pynman yaka khawai bia ha East Khasi Hills wa ha Ri-Bhoi District neidaw wa kini toh ki ar tylli ki District wa boon dooh kiwa yoh COVID-19.
Ya ini da pyntip da u symbood montri rangbah ka jylla u Prestone Tynsong ynne ka sngi wa nadooh ynne ka sngi kiwa paan bor wow pynman khawai bia chongkha chongman hapoh kini ki ar District ym e bor de ya ki deiwa pyntip leh wa kattæ leh em hi kiwa paan bor na kini ki District tangwa ka sorkar ym e bor de ko.
Da pynche u leh wa ini ym mut wa khang wow ya bia u pynkyntang yei bia katkam kam ki kyndon wa da booh wei da khang du yei pynman khawai bia ha kini ki ar District.