Jowai : Ynne ka sngi man ko ka sngi wow sah kynmoo neibhah wa boon ki dukan dai kyiad man ki kiwa da chah phah khang hadien wada mih ka hukum na ka yung kasari Meghalaya High Court.
Kani ka hukum da mih ko hadien wada mih ka mukotduma ha kani ka yung kasari wei da leh yeini hadien wada pachat yumut ka sorkar jylla wow leh yeini (u khang ya ki dukan).
Neiliang u WYRTA da e u ya ka khubor wa ye u khang ki dukan dai kyiad khamtam harood ki sarokbah katkam ka hukum ka Supreme Court ha uni u snem wada dep.
Heiyaklam wa uwi na ki sahep na ka Excise Department u wym kwah u mih pyrtuid da ong u wa ki dukan dai kyiad waroh ka jylla kiwa em hapoh 100 meter napyrdi u sarokbah (National Highway wa u State Highway) wa na ki thaw puræ, ki thaw sumar, ki thaw mane blai wa kiwi kiwi hap khang noh ki. Katwa ya ki dukan wa em hapoh u pood u ang ka Municipal Board næ ka Town Committee emkaam u jngai ki du 50 meter na kini.
Chooh chooh da pyntip uni u sahep wa kani ka mukotduma man ko kawa dang sahteiñ ha kani ka yung kasari.
Ynne ka sngi ki dukan dai kyiad ha kylleiñ ka jylla man ki kiwa khang wei kam ha Jowai na ki le tylli wai du kawi ka dukan wa wai katwa ha Ladrymbai waroh ki sanphaw tam ki dukan man ki kiwa khang katwa ha sarok cha chnong Rymbai ynru tylli ki dukan man ki kiwa wai.
Discussion about this post