theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da khang wow kheiñ ki Restaurant ya ka Service Charge ha Amlarem Sub-Division

Ka SDO ka Amlarem Sub-Division da pyntip ko wa katkam ki kyndon wa da pynmih da ka Central Consumer Protection Authority (CCPA) kawa da seiñ hapoh ka aiñ Consumer Protection Act, 2019 da embor ko wow pait wei wow pynbait lada em i chah ktah i hok ki paidbah ha ka khayi pateiñ, i chah yah bakla ha ki Advertisement wa i rukom kheiñ ya ka bai baam, bai mar.

Kamtæ da chem wa em ki Restaurant wa ki Hotel kiwa da kheiñ lang ya ka Service Charge ha ki bai baam khlem da khana cha ki paidbah heiwa kani ka Service Charge da kheiñ pyntam hajrong i bai baam kamjooh hadien wa da dep kheiñlang waka dan ka sorkar.

Advertisement ad1

Da ong leh wa lada em kiwa kwah u e pyntam ye ki wow leh dei mon yong ki ymtoh deiwa pynbor deiwa kheiñ ya ka Service Charge.

Da khang leh wow kheiñ ya kani ka Service Charge deiwa pynkylla pyrtuid ka da kamwi lane wow murieh ka ha kiwon kiwon ki dan kam ha ka GST.

Ki bru paidbah lada chem ki wa dang em ka Service Charge ha ka Bill yong ki ye ki wow phah pyndam ka, ye ki leh wow ujor ha ka National Consumer Helpline (NCH), ye leh wow Phone ha u 1915 lane deiwa pynemkaam ya ka NCH Mobile App.

Ye leh wow ujor deiwa lai ha ka Consumer Commission lane deiwa lai ha ka Website www.edaakhil.nic.in yow smat u bichaar.

Ye leh wow ujor cha ki DC yow poi cha ka CCPA wei ye leh wow email cha ka CCPA deiwa phah ha [email protected].

Advertisement ad1
Share this:
Previous

Da ye wow yaleh Card Rachon thymme

Next

Mih noh u MLA warim ka UDP na Mawlai wa ki spah ngut kiwa yahkhmat