Ka SDO (C) ka Sohra Civil Sub-Division da pyntip ko wa katkam wa da phah da u CEO ka Shillong Municipal Board kamjooh ka hukum ka Supreme Court wei katkam ka aiñ “The Prohibition of Employment as Manual Scavenger and their Rehabilitation Acts, 2013” da khang wow pynemkaam da ki bru wow leh yei kaam wa tip kam i Manual Scavenging yow pynkhooid yei jakhlia wa mih na ki bru.
Ini mut i wa da khang ya kiwon kiwon wow pynemkaam da ki bru wow pynkhooid yei ait na ki paikhana kamjooh wow pynkhooid ya ki nala kamjooh ki Septic Tank.
Kiwa leh pyrchah yeini daw chah kset ki hadooh ar snem deilang waka kuna kawa Rs. 2 lak wei kiwa pteiñ wow phah leh yeini daw chah kem ki hadooh san snem deilang waka kuna kawa Rs. 5 lak.
Kamtæ da kyntu ya ki paidbah wa lada chem ki wa em ki bru wa phah da ki bru wow leh ya kini ki kaam wow lai pyntip cha ki pulit.
Discussion about this post