U Director of School Education & Literacy ka sorkar Meghalaya da pyntip u wa neidaw wa joor ku syndet i chit (Heat Wave) hapoh ka jylla khamtam ha ki kattu katni ki thaw, da emkaam bha wow pyrkhat yei bha i miat ki khynnah skur kamjooh kiwa kreh yow lait u jia iwon iwon.
Kamtæ da khang wym toh u pynman kiwon kiwon ki kaam wa hap u mih cha lait kam ki yalehke Sports ha kini ki por wei kamjooh leh ha kiwon kiwon ki por wa em ka Heat Wave.
Waroh ki skur toh u pyntikna ki wa em ki thaw dih um hapoh ka skur kamjooh ki thaw rieh sngi.
Hap leh u pyntikna wa ki khynnah dih um ki dei langær, u pynbiang ki ORS, ka um sohjaw lada jia wa raw um ki khynnah.
Toh u pynchlur ya waroh ki khynnah wow wanrah klong um ki wei e u laad u dih um ki manda emkaam ki.
Ymtoh u chah u mih cha lait chi slem khamtam heipor pyrdi sngi hadooh 3:00 waje wei toh leh u pynchlur ya ki khynnah wow sap tupri, u kup satri heipor wa lai wei wan skur wei ymtoh leh u lai ki dei kjat khlem sap juti hapoh skur kamjooh cha lait.
Lada jia iwon iwon toh u li kit ya ki khynnah cha ki thaw sumaar wa em chajan dooh.
Discussion about this post