U District Magistrate ka Eastern West Khasi Hills da pynmih hukum u ha ka 23 tarik uni u bnai hapoh ka kyndon Section 144 CrPC hadien wa da yoh ujor hajrong i pynman ya ki yakob khwe dakha da ki kattu katni kiwa chong chnong ha ki nan dakha waphær waphær kiwa em hapoh ka District heiwa ha kini ki yakob khwe da chim ya ka bai psiah kawa ym duna T. 500 chi pyrsiej wei ka song poisa waroh ya kiwa jop dapoi hadooh T. 15 lak.
Kamtæ u District Magistrate ha ka hukum wa da pynmih da khang wow pynman ya ki yakob khwe dakha heiwa ka song poisa u man ko palat T. 1 lak wei ka bai psiah kawa T. 100 chi pyrsiej.
Chooh chooh katkam kani ka hukum, ym chah wow pynman yakob khwe dakha palat arsien chi snem ha ka jooh ka nan.
Ya kani ka hukum da pynmih da u District Magistrate kam chibynta wow khanglaad yei pynemkaam bakla wei sñiawthooh bakla ya ka aiñ Amusement Act wei leh wow khanglaad yei chah chim kabu kiwa dooh wa duk ki wym biang ka kamai kajih.
Kiwon kiwon kiwa tyngkheiñ ya kani ka hukum daw chah pynchitom katkam ka kyndon Sec. 188 yong ka Indian Penal Code, 1860.
