theme-sticky-logo-alt
theme-logo-alt

Kyrchaan u Conrad yei takit wow pyndooh pyndam yei ku dor ki mar ha Tura

Advertisement ad1

U Montri Rangbah ka Meghalaya, u Conrad K Sangma da pynsñiaw u yei kyrchaan yei takit da ki pulit wa ki bor District ka West Garo Hills yow khang wei pyndooh yei ku dor ki marbaam deiwa lai katkam ya ka aiñ ya kitu kiwa emkti ha ini i kaam.

U Conrad da ong u wa ki bor District da leh ki yeini deiwa pyrkhat ya ki bru paidbah kiwa da chah ktah da i leh ki kattu katni ngut ki bru kiwa da emkti wow leh ya ki kaam pyrchah aiñ yow pynku dor ya ki marbaam.

Advertisement ad1

Da ong u leh wa ka sorkar iwa hakhmat dooh toh wow pynbiang ko yei emkaam baam ki bru yow lait ki wow dooh yei hok yong ki.

Kam wow pynkynmoo wa i takit ki pulit da chem wa kawi ka seiñ wa tip kam ka Meghalaya Chamber of Commerce toh kawa pynlai lang da u MDC ka BJP na Tura u Bernard N Marak uwa katni dang chah kem wei uwa dang chah takit heiyatoh wa kiwa boon ki kaam heiwa kani ka seiñ won toh kawa da lai khrong poisa na ki dukan hadooh wa hap wow pynku dor yei mar wa dai ki ha ki yaaw ki haat wa em ha Tura.

Ki dkot kani ka Meghalaya Chamber of Commerce da booh dor ki leh ya ki mar ki mata ki Supplier iwa da ktah ya kiwa chong chnong ka West Garo Hills waroh kawi katkam wa chem ki pulit ka Tura.

Yei pyrtuid u Bernard da mih ha ki kot ki sla ka Meghalaya Chamber of Commerce wa da yoh kem da ki pulit.

Puræ leh: Emkti ka seiñ u Bernard Marak wow khrong poisa hadooh wa ku dor ki marbaam ha Tura

 

Share this:
Previous

Da khang wow pynman ya ki yakob khwe dakha kiwa palat T. 1 lak ka song poisa

Next

Super Division: Jop suk ka Mynthong ya ka Sabahmuswang