U DC ka East Jaiñtia Hills, u Manish Kumar ynne da pyntip u wa katkam wa yoo ya ki khubor wa kiwi de rynsan kam ki Social Media wa ka KSU da thmu ko wow pynman yei chong kyllaiñ myngngor ha pchem ka yung krehkaam u DC wa em ha Khliehriat.
Wei ini ye ko wow wanrah yei thut i suk i saaiñ, i krehkaam ka Office hadooh i lai i wan ki kari wei kamwa man kattæ da emkaam wow pynneh yei suk i saaiñ kamjooh wow yada yei mynsien bru.
Hajrong ini da pynkrehkaam da ka Section 163 ka BNSS hapoh u pood u ang wa soodong ka Office u DC yow khang yei pynman yalang da 5 ngut næ palat 5 ngut ki bru yow pynman yakhih, i chong kyllaiñ myngngor, ki yalang paidbah, i rah ya ki dieñ, ki lathi, ki tiar yasiat, ki tiar tympdung lane kiwon kiwon kiwa ye wow pynmynsoo bru.
Da khang leh wow kbai, u klam da kiwon kiwon ki kyntien kiwa ye wow pynthut yei suk i saaiñ, kiwa pynchit bru wei kiwa pynchlur wow leh ki kaam pynmynsoo.
Ym chah leh ya kiwon kiwon wow pynthut yei lai i wan ki kari khamtam kiwa leh yei kaam wym hoi u dam (Emergency Service), deilang kiwa kreh sorkar wa kiwi kiwa leh yeiwa emkaam.
Daw pynchitom leh ya kiwa leh pynsih ya ki thaw ki bhaw, ki yung ki sem.
Lada chem ya kiwa leh pyrchah daw chah pynchitom katkam ka kyndon Section 223 ka BNS, 2023.
Discussion about this post