Shillong: U Deputy Commissioner ka North Garo Hills District da pyntip u wa waroh ki kari heh kiwa kit yei khia wa palat 10 metric ton kiwa lai cha Tura wa kiwi ki chnong ka Garo Hills wow lai noh ki lyngba ka Damra-Rongjeng-Songsak-Jengjal heithaw wow lai na Damra-Mendipather -Resubelpara-Bajengdoba.
Yeini da leh neidaw wa da mana ya ki kari wow kit ki palat 9 metric ton wow lai na ka yingkieñ Soksan Bridge No.37/3 kawa em ha sarok Songsak-Mendi kawa da sdang sih wei kawa da tlot bha neidaw u slap wa joor.
Ye u ong heini wa em ki bynta yong ka yingkieñ kawa da kaad wa da piah kawa em ha Krishnai ha u sarokbah NH 37, ki kari heh kiwa thmu wow lai cha Tura wa kiwa wan na Tura cha Guwahati wei cha kiwi ki thaw da pynemkaam ki da u sarok Damra-Mendi-Resu-Bajong.
Neiliang u Deputy Commissioner da ong u wa yeini da leh khnang wow yada ya kani ka yingkieñ kat wympu yoh u chna pynmiat ya ka.
Discussion about this post