15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Daw chah pynchitom lada pynyoo paidbah ya kiwon kiwon ki Film namo Video khlem yoh ya ka Film Certification

0 Comments
Advertisement ad1

Shillong: U Deputy Commissioner ka Ri Bhoi District, Nongpoh da pyntip u wa katkam ka Cinematograph Act, 1952 Central Board of Film Certification (CBFC) toh du ka ka tnat kawa ye u e ya ka Film Certification yong ki film wa thmu wow pynyoo paidbah ha waroh kawi ka India.

Hapoh kani ka aiñ waroh ki Film/Video/Advertisement/Trailer/Promo namo kiwon kiwon kiwa da thmu wow pynyoo paidbah ha iwon iwon i bynta ka ri India emkaam wow yoh ki ya kani ka Film Certification.

Advertisement ad1

Ka CBFC, Guwahati Regional Office da ebor ya ka wow pait ya kani ka kaam hapoh ka thaiñ mihsngi kamjooh leh ya ka jylla Meghalaya.

Da ong u DC kani ka District wa da yoh yutip wa da em kiwa pyrchah yeini deiwa pynyoo ya ki Film/ Video advertisement / Videos / Trailers / Promos / Rwai wa kiwi kiwi khlem da yoh ya kani ka Certificate wei ye leh u chah pynchitom katkam ka section 7 of Cinematograph Act, 1952.

Lada chem ya kiwon kiwon kwia leh pyrchah ye ki u chah pynchitom deiwa chah kset 3 bnai hadooh 3 snem namo ka kuna wa T. 20,000 hadooh T.1,00,000 wei lada pteiñ u leh pyrchah ye u chah daiñ hadooh T. 20,000 chi sngi.

Share this:
Previous

Ujor ka Miani Shira pyrchah ya u James wa ka Agatha Sangma

Next

Da khang ya ki kari heh wow lai na u sarok Damra-Mendi-Resu-Bajong