Ka Balang Presbyterian Chiehruphi kawa em hapoh ka Chiehruphi District, Narpuh Border Presbytery, KJP Synod Mihngi, da khut sñiawbha ko ya phi waroh ki parawangait wei kamjooh leh ya waroh ki paralok kiwa na kiwi won ki jait Balang wa na kiwi won ki jait niam leh cha kani ka Jingiaseng Samla KJP Synod Mihngi wa 23 kawa daw sdang naooh ka 28 tarik uni u bnai (Feb) hadooh ka 2 tarik u bnai wow wan (Mar).
Ka Balang Chiehruphi em ko kamwa 22 Km na Khliehriat wa kamwa 56 Km na Jowai. Kiwa wan na Shillong ye ki wow lai na u Jowai Bypass nadooh na Thadlaskein yow mih ha Soomer.
Ka Balang da pynkhreh kyllooid ko yei baam i dih ha ki yung Christan neibynta yong phi waroh kiwa wan cha kani ka yaseiñ. Na itæ i daw, ka Balang ryngkat ka bor chnong da pynbait wym chah wow em kiwon kiwon ki jait yaaw jait haat kam ki dukan cha dukan ja, kiwa dai ya kiwon kiwon ki jait ha madan kam kiwa dai chana, kiwa dai baam khynnah wa kiwi de, neibhah dadep pynkhreh kyrpang ya phi waroh ha ki yung ki sem.
Ka Balang da maham ko deiwa eh wym chah u dai kot niam neibhah da yooluti wa waroh kiwa wan cha kani ka thaw toh du kiwa lai yaseiñ wei ymtoh wow pynman yaaw pynman haat.
Daw em ki Volunteer ki wow ya krehlang wa ki pulit ki wow pait bniah ya kini ki jait yaaw wa da kdaw, wei lada chem ya kiwon kiwon ki wym burom yeini i pynbna, ki Volunteer daw leh ki yei kaamram yong ki.
Ka Balang da kyrpaad ko leh ya kitu kiwa jooh wan khrong cha ki yaseiñ wow sñiawbha ki wym chim kabu ya kani ka yaseiñ, khnang yow lait na iwon iwon i mynsoo nei boon ki paidbah wa lai wa wan cha kani ka yaseiñ.
Heiyatoh wa ki sarok wa ki thaw pynyieñ kari, dadep pynkhreh ya ka thaw psiah cha ka yaseiñ heiwa daw yoo phi ya ki Volunteer ki wow yarap ya phi yow poi cha ka thaw pynman yaseiñ.
I pyntip na u Secretary Balang Presbyterian Cheihruphi, u Coming Bareh.
Discussion about this post