U District Magistrate ka West Garo Hills, Tura da pynmih hukum u hapoh ka Section 144 CrPC yow khang yei dai i thied yaki dawai pynyap phlang pynyap rnem namo ki Herbicide/Weedicide ha ki yaw ki haat ka District khlem da yoh bor na ki bor sorkar.
Neiliang u khlieh ka District da ong u wa ki dawai wa em ha kini Herbicides wa Weedicides toh kiwa ktah yei chait i khiah ki bru deiwa ktah yei bor u bru wow riñ mynsien, i yoh Cancer, yaki khonbo wa dang kha (Birth Defects), i bor jabieñ kamjooh leh yaka rymaw.
Chooh chooh da ong u wa kini ki dawai ktah ko leh yaki sim kamjooh yaki mrad khamtam ka ri-loom Garo kawa mahajon ki jait dieñ, jait jhoor wa em haka neidaw wa daw poi u pood wow yap i khyndaw nei leh kini ki dawai.
Da ong leh wa kini ki dawai neh ki chi slem haka rymaw wei ktah ki leh kam ya ki khroh wa kiwi kiwi kiwa baam ya ki khñiang yow lait nei chah pynsih ki mar rep.
Ha ki um, kini ki dawai daw poi ki chadooh cha ki um changpæd wei daw kylla bih ki um em wa tooid napoh khyndaw.
Ha u bru da ong u wa kini ki dawai ye ki leh wow pyntbian yei rta hadooh wow poi chei yap.
