Jowai: Deiwa pyrkhat yei long i man heiyatoh wa u COVID-19 hapoh ka ri waka pyrthai waroh kawi wei wow pynkrehkaam yeiwa da phah ka sorkar Meghalaya, u District Magistrate ka West Jaiñtia Hills hapoh ka Section 144 CrPC da khang u yei psiah i mih ki bru kamjooh ki kari na India cha Bangladesh khlem da yoh bor wa kyrpang (Special Permission) naka yung krehkaam u Deputy Commissioner, I/c Sub-Divisional Officer (Civil) Sub- Division, Amlarem ka wow krehkaam nadooh i chiteiñ synyaw ka 21st March, 2020 hadooh chiteiñ synyaw ka 31st March, 2020.
Deiwa bood leh yaki kyndon wa da booh daka sorkar wow yada nei poor u khñiang COVID-19 chapoh ka District, u Deputy Commissioner ka West Jaiñtia Hills da kyntu u ya waroh khamtam kiwa lai puræ kiwa liwan yung na ki jylla wa da chah ktah u COVID-19 hapoh ka ri India wow chong kset ki pyn da ki ya ki hi ha yung ki lada em kamjooh ym em ki yaki dak ki chin wa yoh ya uni u khñiang wei wow pyntip leh cha ki bor District lyngba u 108/ 6009693315.
U Deputy Commissioner da kyntu u leh wow dam u tia chajan kiwi ki bru 14 sngi kam wow yada nei yoh u ya uni u khñiang. Da kyntu leh yaki bei ki pa wow krehlang ki neibynta i bha i miat yong waroh.
Discussion about this post