March 20, 2020
Ka Tourist Taxi Driver’s Kalain to Badarpur Association (TTDKTBA) lyngba i pyntip u President u Happy E Rymbai kam chibynta wow ya ksohktilang hei wow khanglaad i poor yong u khñiang COVID-19, da chim ya ka rai wow sangeh noh chisyndon ya ka kamai kari na Ladrymbai cha Lower wa Upper Assam wei kamjooh cha West Bengal wei ini u krehkaam ko katkam ka Notification No. Health 68/2020/31,Dt 16.3.2020 wa lyngba i pynbna paidbah No. Health 21/2020/Pt .IV/3,Dt 19.3.2020 deilang waka Notice No .EJHD/GEN-7/COVID-19/2020(2) wei ini u krehkaam ko nadooh myntu chiteiñ synyaw ka 20 tarik hadooh ka chiteiñ synyaw yong ka 21 March 2020 kamwa da phah da ka sorkar ha waroh kawi ka jylla.
Kamtæ ka TTDKTBA da kyntu ko ya kiwa yah kari kamai hapoh ka lama yong ka Association wow ya ksohktilang waroh khnang yow ye u khang laad ya uni u khñiang uwa chyrkhei wa kam ha kini ki por da poor smat u ha kylleiñ ka pyrthai wei emkaam i ya krehlang yong uwi pa uwi wa chong chnong wow yakhun pyrchah ya uni u khñiang Coronavirus.
Kam ka dak wa ya ksohktilang wa ka sorkar hawa pynman ya ka Coronavirus Awareness Day kawa jop, neiliang ka Association da sangeh kamai ko ha kini ki por wa da booh wot hadooh wa mih da kawi ka hukum.
