Hadien wa yachem ki le seiñ wa u Deputy Commissioner ka West Jaiñtia Hills, neiliang kini ki seiñ da chong pyrkhat ki wut-wut yei daw wa kyntait u DC yei pyrchah ki paidbah wow su ya ka dan ha ka Toll Plaza wa em ha Pasyih.
Kam wow kdaw heini kini ki le seiñ wa kynthup ya ka JNC (WZ), PSM (CEC), HYC (JHD) da dawa ki wow pynlait u khrong dan na ki kari khian ML04 wa ML11.
Kamtæ kini ki le seiñ da rai ki wow pynman da ka yalang paidbah ha ka 15-05-26 heipor 10:00 AM hakhmat ka Reliance Petrol Pump kawa em ha Ynñiawmer.
Da kyrpaad ya ki paidbah nadooh kiwa kamai kari wei khamtam ki bru samen, ki MDC, ki waheh chnong, ki seiñ kamai kari, seiñbhalang wa kiwi wow wan cha kani ka yalang kam wow yieñ pyrchah yeini i khrong dan kani ka Toll Plaza.
“I wan yong phi u man i jop wa khroo ya ka jaitbru neibhah i chah ksih wei chah thombor wei chah lute yong i ki paidbah u pynkut noh i ki yanom rta ha kani ka kynti,” da ong u President ka JNC-WZ.
Discussion about this post