U District Sports Officer ka West Jaiñtia Hills da pyntip u wa daw pynman ya ka District Level Inter School Subroto Mukherjee Cup Football Tournament 2025 ha Kiang Nangbah Stadium, Jowai ha ka tayaaw wa nyngkong u Naiynru 2025 neibynta ki Under-15 Boys wa Under-17 Boys & Girls.
Ya ka Entry Form ye wow yoh na yung krehkaam u DSO ha ki kynta wa man kreh.
Heiyatoh wa ini, ki skur wa kwah u chimbynta hap ki wow phah yei pyrtuid kiwa yalehke yong ki deilang wa ki dur chiteiñ, ka Photo Copy u Aadhaar Card wa Birth Certificate wa da e da ka Municipal Board/CHC/PHC wei yeini hap wow pynpoi chaw ka 09-05-25 wei ym pdiang ya kitu kiwa pynpoi hadien kani ka tarik.
Ya ka yachemlang namo ka Meeting yong waroh ki skur wa kwah wow chimbynta u pynman ha ka 09-05-25 heipor 1:00 waje i sngi ha Kiang Nangbah Indoor Stadium, Jowai.
Yei leh Screening u chah neibynta ki 20 ngut kiwa yalehke ha kawi ka kyrdan namo ka Category.
Ki Original Birth Certificate wa Aadhaar hap wow wanrah da kiwa yalehke ha ka sngi wa pynman Screening. Kitu ki wym em Aadhaar wa ki wym em Birth Certificate da ki Original ym chah wow leh Screening ki.
I rta kiwa yalehke man ki kamni ha wah:
Under – 15 Years (Boys) – Toh u man ki kiwa da kha ha næ hadien ka 01-01-2011.
Under – 17 Years (Boys) – Toh u man ki kiwa da kha ha næ hadien ka 01-01-2009.
Under – 17 Years (Girls) – Toh u man ki kiwa da kha ha næ hadien ka 01-01-2009.
Yow tip bniah ye wow Phone ha ini i Number-9612942208.
Discussion about this post