U Deputy Commissioner (Supply) ka East Jaiñtia Hills District da pyntip u cha waroh kiwa yoh khoo rachon hapoh ka NFSA kiwa em ya ka Card AAY wa PHH ki wym pu em pynpoi ya u Aadhaar Card yong ki khlieh ka yung kamjooh ki dkhot wa em hapoh ka Ration Card, wa nadooh ka 01-05-25, ym pynlait de ya u bhah khoo ki.
Yei bhah khoo u yoh biang ki lada ye ki wow pynpoi ya u Aadhaar ki hapoh ar bnai nadooh wa pynmih ya kani ka hukum.
ADVERTISEMENT
Lada hadooh wa kut ki ar bnai leh ym ye ki wow pynpoi ya u Aadhaar nadooh wa pynmih ya kani ka hukum, daw pyndam syndon yei pyrtuid ki kam kiwa yoh myntoi hapoh ka Scheme NFSA (AAY wa PHH) katkam ka aiñ NFSA Act, 2013 wei heithaw yong ki daw thap dei pyrtuid yong kiwi won.
Discussion about this post