U DSO ka West Jaiñtia Hills District da pyntip u wa daw pynman ya ka District Level Inter School Subroto Mukherjee Cup Football Tournament, 2023 ha Kiang Nangbah Stadium wa ha madan ka Kiang Nangbah Govt. College ha ka tayaaw wa le u Naiynru 2023 neibynta ki Under-14 yong ki chynrang wa Under-17 neibynta ki chynrang wa kynthai.
Ya ki Entry Form ye u yoh na yung krehkaam u DSO ha Ladthadlaboh, Jowai ha ki kynta wa man kreh.
Kamtæ da khut ya ki skur kiwa kwah wow chimbynta yow phah yei pyrtuid ki khynnah wa kwah u yalehke deilang wa i dur Passport Size, ka Xerox Copy ka Birth Certificate wa da e da ka Municipal Board/CHC/PHC/Aadhaar Card wei wow pynpoi ya ini cha ka yung krehkaam u DSO ha lane chwa ka 05-06-23 heipor wa man kreh. Ym pdiang ya ki Entry Form hadien katai ka tarik.
Yei sylli namo ka Screening ya ki khynnah daw pynman ha ka 07-06-23 nadooh 9:00 waje i step ha Kiang Nangbah Indoor Stadium, Jowai.
Daw chah 25 ngut kiwa yalehke ha kawi ka liang wei hap ki leh wow wanrah ya ka Original Birth Certificate yong ki hawa leh ya ka Screening.
I rukom kheiñ yei rta man i kamni:
Under- 14 Years (Boys)- Toh u man ki kiwa kha ha lane hadien ka 01-01-2010.
Under- 17 Years (Boys)- Toh u man ki kiwa kha ha lane hadien ka 01-01-2007.
Under- 17 Years (Girls)- Toh u man kiwa kha ha lane hadien ka 01-01-2007.
