Ka yung krehkaam ka District Sports Officer ka East Jaiñtia Hills District da khut da wer ko ya waroh ki skur wa em hapoh ka East Jaiñtia wow wan chimbynta ha ka Subroto Cup Football Tournament 2023 kawa daw pynman ha u Naiynru 2023.
Kani u man ko neibynta ki chynrang wa kynthai heiwa ya ki chynrang da yabhah hapyrdi kiwa em hapoh 14 snem wa kiwa em hapoh 17 snem katwa ya ki kynthai won toh kiwa em hapoh 17 snem.
Ya ki Form ye wow yoh na ka yung krehkaam ka DSO wa em ha Dkhiah Indoor Hall heipor wa man kreh.
Kiwa yalehke u chah 18 ngut kiwa ye wow thap pyrtuid namo wow Register wei ka tarik wa khaddooh wow pynpoi ya ki Form toh ha ka 06-06-23.
Ka tarik wa kheiñ yei rta man i kamni:
Ki chynrang wa em hapoh 14 snem toh u man ki kiwa kha ha ka 01-01-2010 lane hadien kani ka tarik.
Ki chynrang wa em hapoh 17 snem toh u man ki kiwa kha ha ka 01-01-2007 lane hadien kani ka tarik.
Ki kynthai wa em hapoh 17 snem i rta toh u man ki kiwa kha ha ka 01-01-2007 lane hadien kani ka tarik.
