15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da khut ya kiwa chemphang ha ki kaam tynre yow yoh yarap hapoh ka Guru Shishya Parampara Scheme

Advertisement ad1
Advertisement ad1

Shillong: Ka North East Zone Cultural Centre Dimapur da khut (Application) wow yaleh yaka Guru Shishya Parampara Scheme neibynta u 2019-2020. Kini kiwa yaleh toh u em ki hapyrdi i rta 45 hadooh 75 snem i rta wei toh u man ki ki bru wa chemphang hei wow e sikai ha ki kaam tynre kiwa yatoh waka riti dustur kam ha ki chaad, ki rwai, ki kaam thaiñ da ki chken, u chna tiar na ki dieñ heiwa daw jied chwa ya kitu kiwa chemphang ha ki kaam wa da sdang dooh jait.

Ya kiwa chah jied wow man man ki bru chemphang namo kiwa e sikai (Guru), u/ka daw jied ki ya uwi uwa e yarap (Assistant) wa 4 ngut ki wow man kam kiwa chim pateiñ (Shishyas) ya i stat, kiwa em hapyrdi 15 hadooh 25 snem neibynta chi snem. Ya u Guru daw su T. 7500 chi bnai, uwa yarap T. 3750 chi bnai katwa ya ki Shishyas won u e T. 1500 chi khlieh.

Yaka Application deilang waka Bio-data kamjooh ki kot ki sla wow pynsakhiat toh u li e cha ka Directorate of Arts & Culture, State Central Library Complex, Shillong ha lane chwa ka 5th October, 2020.

Yaka Application Form wa ki yutip wa bniah ye wow yoh naka Website ka NEZCC ha www.nezccindia.org.in  lane ha http://nezccindia.org.in/HOme/Advertisement wa ha https://www.facebook.com/nezccdimapurNE.

Share this:
Previous

Hadooh T. 140 Klur yoh yarap kiwa chong-dai rood sarok ha jylla Madhya Pradesh

Next

Da pyndam yei pynman Containment Area yong ki ar tylli ki thaw ha Jowai