15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da khut ya kiwa dai rachon wa kiwa dai phniang charak thymme hapoh WJH

0 Comments
Advertisement ad1
Advertisement ad1
Advertisement ad1

Jowai : U Deputy Commissioner (Supply), West Jaiñtia Hills District, Jowai da pynbna paidbah u wa kiwa dai Rachon (FPS Dealer) wa i Phniang Charak (S.K. Oil Retailers) ha ki thaw sor kamjooh ki nongkyndong yong ka West Jaiñtia Hills District nei bynta u snem 2016 u kut noh ko ha ka 31.12.2016.

Kamtæ kiwon kiwon kiwa chong chnong ha ka West Jaiñtia Hills District kiwa kwah u man kam ki wa dai Rachon (F.P.S Dealer) wa kiwa dai khutia ya i Phniang Chrak (S.K.Oil Dealer) neibynta u snem 2017 ye ki u phah ya ki application cha ka ophis yong u Deputy Commissioner (Supply).

Advertisement ad1

Ya ki application toh u man ki katkam ka form wa da booh da ka ophis wei toh u emlang wa ka Court Stamp Fee kawa chong dor T.25 wa 2 tylli ki dur Passport Size wa ka Xerox copy yong ka Bank Account No. (Passbook).

Ki Co-operative Society, NGO’s, Self Help Group leh ye ki u pyndap. Ya ki application toh u man kiwa da mynjur da u Waheh Chonog namo u Secretary yong ki dong (Local Club) wei toh u pynpoi ha chwa ka 15.12.2016.

Ki dorbar chnong namo ki club toh u kitkhia bha ki chwa wow mynjur yei paan ki seiñ wei yow leh smat ki yow lait i sah i saam ya ki marbaam mardih kamjooh leh ya i Phniang Charak.

Kiwa apply toh u biang ki thaw booh mar baam næ i Phniang Charak wei heijooh kiwa tip u thoh u tar.

Kiwa kreh sorkar namo kiwa kreh Company ym ye u man ki kam ki FPS Dealer namo ki S.K. Oil Dealers.

Share this:
Previous

Phah wan booh u Magistrate ya ki tiar siat wa em hapoh Amlarem Sub-Division

Next

Daw pynman ya ka Lok Adalat ha Jowai