Ka yung krehkaam yong ka Electoral Registration Officer, 7-Amlarem (ST) Assembly Constituency, da pyntip paidbah ko wa ka Election Commission yong ka ri India da hukum ko wow pynbiang ya ka Draft Photo Electoral Roll yong ka 7-Amlarem Assembly Constituency ha ka Sub-Division deiwa kheiñ ya ka 01-01-2023 kam ka Qualifying Date namo ka tarik kiwa daw dap 18 snem kiwa ye wow em pyrtuid hapoh ka Electoral Roll.
Kamtæ kiwa chong chnong kiwa daw dap 18 snem i rta katkam katai ka tarik ki wym pu em pyrtuid hapoh ka Draft Photo Roll ye ki wow wan chakhmat yow pynpsiah pyrtuid ya idæ ha ki Polling Station wa ki chong wa sah ki, kamjooh wow ah pyrtuid ya kitu kiwa da yap lane kiwa da yut chnong lane lada em i bakla iwa hap wow pynbait.
Heiyatoh wa ini daw pynmih ya ka Draft Photo Roll ha ka 09-11-2022 ha ka yung krehkaam ka Electoral Registration Officer, lane ha ka yung krehkaam ka Sub-Divisional Officer (Election) Amlarem Sub-Division wa lyngba ki Booth Level Officers (BLOs) ha ki Polling Station.
Yei ujor, i pynbait wa kiwi de daw pdiang nadooh ka 09-11-2022 hadooh ka 08-12-2022.
Da pyntip paidbah leh wa ki bru sorkar (Booth Level Officers) daw wan ki cha ki Polling Station wow kreh neibynta kini ki kaam nadooh ka 09-11-2022 hadooh ka 08-12-2022. Kamtæ da kyrpaad ya kiwa chong chnong wow pynbiang ki yei pyrtuid kiwa da yut chnong khang wow ye u ah pyrtuid noh ya ki kamjooh wow yarap ya ki BLO wow bichaar yei pyrtuid wa ki dur kamjooh i rta yong kiwa thap Vote.
Najrong ka 01-01-2023 kam ka tarik wa ye u thap pyrtuid thymme kiwa dap 18 snem, daw pdiang leh yei pyrtuid kitu kiwa daw dap 18 snem ha uni snem ha ki tarik 01-04-023, 01-07-2023 wa 01-10-2023 heiwa kini ye ki wow e yei pyrtuid chwa (In Advance) lyngba ki Application yong wei daw leh yeiwa emkaam katkam ka tarik.
Daw pynman leh ya ki sngi wa kyrpang yow thap pyrtuid ha ka 18, 19 wa 25 tarik uni u bnai heiwa daw em ki BLO ha waroh ki Polling Station.
Ya ka yutip wa bniah ye u Phone ha kini ki Number kiwa man ki Toll Free Number: 94854-32400 lane 18003453802.
