Ka Meghalaya da rem ko ha ka Uttarakhand da chi Innings wa 353 Run ha ka U-19 Cooch Behar Trophy wa da pynman ha Mangaldai, Assam ynnin ka sngi.
Ka Meghalaya da kamai ko 96 Run ha ka Innings wa nyngkong heiwa ka Uttarakhand da jubab ko deiwa kamai 556/8 (Declared). Ka Meghalaya da jubab biang ko da 50/2 hadooh wa kut ka sngi wa ar wei da dooh lut ki Wicket deiwa kamai 107 Run ynnin ka sngi ha ka Innings wa ar.
U Avinash Rai da kamai u sa 6 Run chwa wow haap u deiwa kamai waroh 12 Run heiwa ka Meghalaya da haap ma haap ki Wicket uwi hadien uwi heiwa ha iwi i por da yoh ko 71/8 wei ym yoo dur wow poi 100 Run sa chisien, tangwa u Banialam Mylliemngap wa u Gavineal Marpna da wan ki wow yada nadien.
Kini kiwa da Bat neibynta ka Wicket wa 9 da kamai lang ki 31 Run chwa u haap u Mylliemngap da 17 Run katwa u Marpna da neh u khlem haap deiwa kamai 13 Run.
Ka Meghalaya kattu daw yachem ko waka Himachal Pradesh kawa daw sdang ha ka 12 tarik uni u bnai.
