Ka Shillong da pynkhreh ko wow pynman ya kawa nyngkong dooh ka Christmas Carol Singing Competition ha ka 20 wa 21 tarik uni u bnai ha Anton Hall, Laitumkhrah deiwa krehlang ka Big FM wa ka JBL heiwa ya kani ka yakob da e pyrtuid Jingle All The Way.
Kiwa kwah u chimbynta ye ki wow wan kam ki dong, ki chnong, ki Balang wei kamjooh kiwa chi lok chi jor kiwa ya rwai lang yow pynyoo yei sap yong ki.
Da pynchlur leh ya kiwa wan chibynta wow rwai ki dei yong ki hi i rukom ya ki sur Christmas deiwa khlehlang dei yong ki ri sepsngi deilang wa i yong tynre.
Ka JBL wa Big FM daw pynriam ki leh ya kiwa boon ki luti ki syngkieñ ka Shillong wei daw pynman leh ki Karaoke, ki Christmas Rap Contest, ki Silent Disco wa kiwi de heiwa ka JBL daw pynyoo rong ko leh ya ki tiar wa thymme yong ka wei daw e khusnaam leh cha kiwa jop.
Daw chibynta ha kani ka sngi da kiwa rwai wa tem wa pawnaam kam u Rudy Wallang, u Kitkupar Shangpliang, u Jeremy Mawlong wa ka Tipriti Kharbangar kiwa daw man kam kiwa bichaar wei kiwa daw tem daw rwai leh.
Kiwa kwah wow chimbynta ye ki wow Phone næ WhatsApp ha u 7085941094 wei ka tarik wa khaddooh wow leh yeini toh hadooh ka 18-12-24.
Discussion about this post