Ha ka yalehke wa soo yong ka 5th Moodymmai Open To All Knockout Football Tournament kawa pynman da ka Moodymmai Sporting Union ha mandanbol ka Moodymmai, ynne ka sngi ka Sohphoh SC da jop ko ya ka Phlongingkhaw da 3-2 deiwa yachut Tie-Breaker.
Hadooh wa kut i por yalehke, ki kool da man ki da mar kawi, heiwa ya ka kool yong ka Phlongingkhaw da thap da u Jending Mukhim ha ka minit wa 30 katwa ya ka kool yong ka Sohphoh da thap da u Leningstar Suting ha ka minit wa 52.
Ka yalehke wa bood u pynman ha ka 20 tarik uni u bnai hapyrdi ka SC United pyrchah ya ka CISC heipor 2:00 waje i sngi.
Discussion about this post