Ka yung krehkaam u Deputy Commissioner, West Jaiñtia Hills District deiwa ya krehlang waka yung krehkaam u District Sports Officer, West Jaiñtia Hills District daw pynman ki yaka Republic Day Run 2024 neibynta ki chynrang wa kynthai (Open Category).
Ya kani ka Republic Day Run daw sdang na Main Gate ka Kiang Nangbah Stadium (Starting point) neitæ deiwa lai na Ladthadlaboh Main Road- Jowai Public School-Gate Polytechnic-Kchaaid Rymphum-Salaroh- Dulong Poh-Hali Road-Dulong-Pamhadem-Panaliar-Iongpiah-Mission Compound-H.K. Singh School-D.C Office-New Hill-National Highway-Kiang Nangbah Indoor Stadium (Finishing Point).
Ka sngi wow pynman ya kani ka Republic Day Run toh haka 26 tarik uni u bnai heipor 6:00 waje i step wei kiwa kwah u chimbynta hap ki wow wan e pyrtuid ha katai hi ka sngi ha Kiang Nangbah Indoor Stadium, Jowai heipor 5:30 i step.
Kamtæ ka yung krehkaam u District Sports Officer, West Jaiñtia Hills District, Jowai da khut sñiawbha u ya waroh kiwa chong chnong ka West Jaiñtia Hills District donhi wow chimbynta heiwa kiwa jop daw yoh ki yaka song poisa kamjooh ki muhor wow pynsahkynmoo.
Discussion about this post