Neidaw wa boon kiwa kreh da pynsñiaw ki yei kwah ki wow sakhi yei lehniam pynkyntang ka Pran Pratishtha yong ka Ram Lalla ha Ayodhya neibynta ka Ram Mandir haka 22 tarik uni u bani, neiliang ka sorkar pyrdi da pynbna ko ya ka chuti wa chiteiñ sngi neibynta waroh ki yung krehkaam ka sorkar pyrdi donhi wa em hapoh ka ri.
Katkam i pynbna wa da pynmih da ka Department of Personnel and Training, Ministry of Personnel, Public Grievances and Pensions, waroh ki Central Government Offices, Central Institutions wa Central Industrial Establishments wa em hapoh ka ri u man ki kiwa khang chiteiñ sngi hadooh i por 2:30 PM.
Ha katai ka sngi da pynkhreh wow pynman boon ki kaam da ki bru ha kylleiñ ka ri India wa cha baar ri heijooh i por wa pynkyntang deiwa leh yaka Pran Pratishtha ha Ayodhya.
Ya kani ka pynkyntang yaka Ram Mandir daw pynyoo ha Doordarshan kam wa jia (Live) wei daw pynyoo leh ha kiwa boon ki Private TV Channels.
Da pynkhreh leh wow booh ya ki Screen yow yoh ki bru wow pait ya ini i lehniam ha Ayodhya ha kylleiñ ki thaw wa em ha India wa cha baar ri.
Discussion about this post