15 49.0138 8.38624 1 0 4000 1 https://wyrta.com 300 0

Da khut ya kiwa kwah u dai rachon ha WJH

0 Comments
Advertisement ad1

Jowai: U Deputy Commissioner (Supply), West Jaiñtia Hills District, Jowai da pynbna paidbah u wa i kaam dai Rachon (FPS Dealer) wa phniang charak ( S.K. Oil Retailer) hapoh ka West Jaiñtia Hills District neibynta u snem 2019 u kut noh ha ka 31-12-2019.

Kamtæ u DC (Supply) da khut application u ya ki bru samen, ki seiñ kreh monsñiawbha namo ki Co-operative Society wa jied da ki paidbah ha ka Dorbar Chnong, hadien wa dadep mynjur da ka Dorbar Chnong wei wow pynsakhiat da u Waheh Chnong wa u Secretary Chnong.

Advertisement ad1

Kiwa thap (apply) toh u man ki kiwa tip u thoh u taar, kiwa tip u pynku pyrtuid ha ka Sale Register wei kiwa tip u kheiñ yukheiñ ha ka Stock Register wa kiwi kiwi.

Ya ki application toh u biah wa ka Court Stamp Fee wa T. 25 wa 2 (Ar) tylli ki dur Passport Size wa ka Xerox Copy yong ka Bank Account No.(Passbook), Residential Certificate wa EPIC wei wow pynpoi ya ki chwa ka 20-12-2019.

Ya ki Application wa pynpoi palat ka sngi wa da booh namo ki wym biang pura ye u kyntait ya ki wei ka bhah Ration neibynta u Duyatra (Janaury), 2020 u saam noh da ka FP Shop wa marjan.

0 Comments

Leave a Reply