Kam chibynta wow pynkhreh yei e dawai (Vaccine) wow yada na u khñiang COVID-19 i wow sdang nadooh ka 16 tarik uni u bnai hapoh ka ri, u Hardeep Singh Puri u Montri ka sorkar pyrdi wa pait yaka Civil Aviation da pyntip u da mih 9 tylli ki lieñsuñ na Pune, Maharashtra kiwa kit ya ini i dawai cha ki 13 tylli ki thaw.
Kini ki lieñsuiñ kiwa kit 56.5 lak tylli ki dawai toh kiwa da kit cha Delhi, Chennai, Kolkata, Guwahati, Shillong, Ahmedabad, Hyderabad, Vijayawada, Bhubaneswar, Patna, Bengaluru, Lucknow wa Chandigarh, da pyntip u Montri.
Ini i dawai toh iwa chna daka Serum Institute of India kawa em ha Pune iwa tip kam i Covishield iwa da pynkreh lang daka Oxford University deilang waka AstraZeneca.
Ya ini i dawai neibynta ka Mumbai da kit da ki truck iwa man leh kam i bhah wa nyngkong hapoh ka ri.
