15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da ki Billion Dollar u dooh nong ka India lada khang ka Vodafone Idea

0 Comments
Advertisement ad1
Advertisement ad1
Advertisement ad1

Ka ri India yei ko wow dooh nong da ki Billion Dollar wei kamjooh ye ko wow ktah yei wan seiñ khih ki Company hapoh ka ri lada ym ye ko wow pynneh yaka Vodafone Idea khelm hap ko wow khang yei khih i khan ko.

Ka Vodafone Idea toh kawa da krehlang ka Company na Britain ka Vodafone Group Plc waka Company na India ka Idea Cellular, wei man ko kawa ye u chah ktah dooh na ki Mobile Network hadien wa pynmih hukum ka Supreme Court wow su da ki Billion kam ka bai sorkar.

Ka Vodafone Idea da ong ko wa ym ye ko wow su chisien yaka $3.9 Billion wei emkaam ko dei rukom su wa rap suk wei wow e por wow su kattu katni sien.

Deiwa em ko 13,000 ngut kiwa kreh haka hi wot (Direct Employees) wa ki ram na ki Bank wa poi hadooh $3.8 Billion, lada hap khang yaka Vodafone Idea daw ktah ko yaka yaw ka hat, ka kaam poisa poilaiñ hapoh ka ri kam ha ini i por wa suki ka kaam poisa hapoh ka ri hadien 11 snem.

“Lada dam u su ya kani ka ram wa heh hadooh katni, daw ktah ko yaka Fiscal Deficit namo ka poisa wa yoh ka sorkar bar ya iwa pynlut ko da 40 Basis Points,” da ong u Aliasgar Shakir, u Research Analyst ka Motilal Oswal, said.

I haap da 40 Basis Point daw mut ko wa i dooh nong wa 1 Trillion Rupees ($14.01 billion) yaka sorkar u Prime Minister Narendra Modi hadien wa hiar leh i yoh dan (Direct Taxes) ha kini ki por.

Sa iwa leh, lada hap khang yaka Vodafone Idea daw neh sa du ka Bharti Airtel waka Reliance Jio iwa daw ktah leh manda lilam (Auction) yaka 5G kawa da yooluti wow leh chwa wow kut u Wisu (March).

Ka khubor da ong ko leh wa ka sorkar ye ko wow thooh laad da iwa suk yaka Vodafone Idea wow su ko chwa wow chong bichaar biang ka Supreme Court haka 17 tarik u Wisu.

Ka Vodafone Idea ong ko wa daw su ko 35 Billion Rupees ($490 Million) haka 21 tarik uni u bnai katwa ka Bharti Airtel da su ko $1.40 Billion iwa du le pawa na iwa toh u su ko.

Share this:
Previous

Chimbynta chongchit ki khon niam Chnong wa niam Skur ha ka Chaad Rongkusi

Next

Da ka yalang Namaste Trump u pdiang sñiawbha ya u US President ha India