Da ki hajar ngut wa wan chimbynta ha ka yakob khwe kawa T. 50 lak ki khusnaam

Ha ka 12 tarik uni u bani, u Perit Lyngdoh deilang wa ki paralok da pynman ki ya ka yakob khwe dakha haka nan u Maiat Muksor wa em ha Mynsngat Mootha heiwa ka song poisa ya kiwa jop dapoi ko hadooh T. 50 lak.

Kiwa yoh ya 1^st Prize da yoh ki T. 5 lak, kiwa yoh 2^nd Prize T. 3 lak katwa kiwa yoh 3^rd Prize da yoh ki T. 2. Lak. Kiwa yoh 4^th Prize hadooh 40^th Prize da yoh ki mar T. 1 lak samen, kiwa yoh 41st Prize T. 50,000 neitæ kiwa yoh 42^nd Prize da yoh ki T. 30,000 katwa kiwa yoh khaddooh kitæ ka 43th Prize da yoh T. 20,000.

Da em leh ki Consolation Prize kiwa 20 tylli kiwa mar T. 10,000 samen.

Kamtæ kiwa chimbynta ha kani ka yakob khwe da wan ki da hajar ngut yow yaleh u jop ya kani ka yakob heiwa ya ka T. 5 lak da yoh da uwa na ka chnong Pasyih, ya ka T. 3 lak won da yoh da uwa na Umsaw Mawpyrhut, Ri-Bhoi katwa ya ka T. 2 lak won da uwa naka chnong Smit, Laitkyrkhong.

Related posts

Ym wan u Lucas cha ka Cherry Blossom Festival

November 15, 2024

Pynlait ka Dong Iawpynsiñ ya ki Ticket Lucky Draw

November 15, 2024

Ha kani hi ka sngi da saam leh ya waroh ki khusnaam cha kiwa jop.

Kani ka nan u Maiat Muksor da man sakhiat ko ka thaw kawa yoosuk wei kawa heh bha heiwa da ye wow pynman ya kani ka yakob khwe wei ka wym em jngai na u sarok psiang yow poi cha kani ka thaw kawa em leh ya ka Park neibynta ki khynnah.

Da pyntip leh wa ha u Naisaphra daw pynman biang ya ka yakob khwe ha kani ka jooh ka thaw wei ka poisa daw boon chooh chooh ko.